Çул ялта пурăнакансемшĕн питĕ пĕлтерĕшлĕ. Юлашки çулсенче Йĕпреç тăрăхĕнче нумай ялсемпе саласенче çак ыйтăва татса пачĕç. Анчах та ĕçсем вĕçленмен-ха. Пысăк ялсенче анчах мар, пĕчĕк ялсенче те ку ыйту тимлĕхре.

Çирĕклĕ ялĕнче те ку ыйту çивĕч тăнă – çынсем тăпраллă çулсем йĕпе-сапара çăрăлса кайнипе тухса çÿреме йывăр пулнине пĕлтернĕ, пулăшу ыйтнă. Акă пуçаруллă бюджетировани программи ку ыйтăва татса пама май пачĕ. Халĕ кунта «Пирĕн çулсем» проекта пурнăçа кĕртнĕ май Садовая урамĕпе выртакан çула - 550 метр тăршшĕ - сарма пуçланă. Ĕçе пурнăçлама «Промремстрой» тулли мар яваплăхлă пĕрлешÿ подряд организацийĕ яваплă.

Ĕçсен пĕтĕмĕшле хакĕ 891832,66 тенкĕпе танлашать. Вĕсенчен республика бюджетĕнчен уйăрни - 535099,60 тенкĕ субсиди.

Анна Михайлова