Çĕртмен 11-мĕшĕнче Улатăр округĕнче 14-ри арçын ача путса вилнĕ.

Вăл тусĕсемпе пĕрле Ахматово ялĕнчен инçех мар Улатăр юханшывĕнче шыва кĕнĕ. Тахăш самантра арçын ача шывпа чыхăнса кайнă та тăрук путнă. Шел: юлташĕсем ăна пулăшайман. Унăн виллине водолаз тупса çыран хĕррине кăларнă.

Инкеклĕ лару-тăру министерстви асăрхаттарать: ачасене шыв хĕррине аслисемсĕр ямалла мар.

Çĕртмен 15-мĕшĕнче Етĕрне районĕнче 75-ри çын Сăрта путса вилнĕ. Вилене юханшывран водолазсем кăларнă.

Ватă арçын тусĕпе Сăр хĕрринче каннă. Çавăн чухне вăл шыва кĕме шутланă. Анчах ишнĕ вăхăтрах ăнсăртран шыв тĕпне анса кайнă. Малтанласа палăртнă тăрăх арçын ÿсĕр пулнă.