Авăн уйăхĕн 1-мĕшĕнчен республикăри вĕрентекенсем валли ырă улшăну пулĕ. Ку ĕç укçине пырса тивет.

Маларах палăртнă тăрăх вĕрентекенсен оклачĕ 50 процент ÿсĕ. Кун пирки Чăваш Республикин вĕренÿ министрĕ Дмитрий Захаров пĕлтернĕ.

Хальхи вăхăтра педагогсен шалăвĕнче хавхалантаракан тÿлевсем, премисем, ĕç пахалăхĕпе йывăрлăхĕшĕн хушса тÿленисем пĕлтерĕшлĕ вырăн йышăнаççĕ. Малашне çак укçана тĕп пая – оклада – куçарĕç.

Çавăн пекех нумай çÿл ĕçленĕшĕн тата квалификаци категорийĕшĕн паракан тÿлев коэффиценчĕсене те çĕнĕрен пăхса тухĕç.

ЧР Вĕренÿ министерстви пĕлтернĕ тăрăх, педагогсен тĕп оклад базин пайĕ хальхи 45 процентран  60-65 процента çитĕ.