Чăвашстат çĕртме уйăхĕн 16-22-мĕшĕсенче апат-çимĕç, ытти япала хакĕ мĕнле улшăннине тишкернĕ.

Пахча çимĕçе илес тĕк, ытларах купăста, сухан, хĕрлĕ кăшман тата кишĕр хакланнă. Çавăн пекех çĕрулми хакĕ 3,9 процент ÿснĕ. Ытти çимĕç хушшинче сахăр, макарон, шурă çăнăх, чăх ашĕ самай ÿснĕ.

Ытти япала пирки калас тăк, АИ-92, АИ-95 маркăллă бензинсем вăйлах хакланнă – 6,8 тата 6,4 процент. Дизель топливин хакĕ 3,6 процент ÿснĕ.

Мĕн йÿнелнĕ-ха? Чăх çăмарти, хăяр, помидор, банан, панулми. Сĕт юр-варĕ хушшинче турăх, хăйма, пастеризаци тунă сĕт тата сыр хакĕсем чакнă.

Смартфонсем пĕр эрне хушшинче 1,5 процент йÿнелнĕ, электропылесоссем – 4 процента яхăн.