Çĕртме уйăхĕн 29-мĕшĕнче Шупашкар аэропорчĕ Минска, Наци аэропортне, пĕрремĕш самолета янă. Рейссене «Аэрофолот» авиакомпани пурнăçлать. Самолетсем Шупашкартан эрнере икĕ хутчен вĕçеççĕ – тунтикун тата кĕçнерникун ирхи 6 сехет те 15 минутра.

Самолет Минска 8:35 сехетре çитет. Минскран 02:24 сехетре тухса самолет Шупашкарта ирхи 4 сехет те 55 минутра анса ларать. Икĕ хула хушшинче Airbus A320 лайнерсем вĕçеççĕ. Билет хакĕ – 9 пин тенкĕ ытларах.

Сăмах май, икĕ çĕршыв калаçса килĕшнипе Раççей çыннисем Беларуçе визăсăр тата ют çĕршыв паспорчĕсĕр кайма пултараççĕ.