Çуркунне çут çанталăк чĕрĕлет. Хăмла çырли те хăйне пăхасса кĕтет.

Чи малтан хăмла çырлине хăрнă туратсенчен тасатмалла. Тухăçĕпе савăнтартăр тесен, ăна тĕрĕс апатлантармалла.

Пĕр тăваткал метра 10 г мочевина хывмалла. 10 л шывра 30 г мочевинăна ирĕлтермелле те хăмла çырлин пĕр тĕмми айне хатĕр шĕвеке 3 л ямалла.

Çавăн пекех 3-4 кг çĕрнĕ тислĕке 10-12 л шывра 7 кун лартмалла. 1 л шĕвеке 10 л шывпа хутăштармалла, унпа тĕмме шăвармалла.

Пĕр тăваткал метра 5-8 кг компост хывмалла, çырла тĕмми айĕнчи çĕре чавса тухмалла.

Пĕр витре кайăк-кĕшĕк каяшне 10-15 витре шыва ярса 1-2 талăк лартмалла. 1х20 пропорципе шывпа хутăштармалла та хăмла çырлин тĕмне шăвармалла. Пĕр тăваткал метра 10 л ярсан аван.

Çавăн пекех кашни тĕмми айне пĕрер стакан кĕл сапмалла. Вăл калипе тата ытти микроэлементсмпе тивĕçтерĕ.