Амăшĕн кунĕ - хĕрарăмсене ăшă сăмахсем каласа хавхалантармалли, çĕнĕ шанăç кĕртмелли, савăнăç парнелемелли уяв!

Уяв çитсен, Эйпеç территори пайĕн пуçлăхĕ Владислав Прохоров хальхи вăхăтра Украинăри ятарлă çар операцине хутшăнса тăван çĕршывăн наци интересĕсене хÿтĕлекен ывăлĕсемпе мăшăрĕсемшĕн пăшăрханакан çывăх çыннисене - амăшĕсемпе арăмĕсене - паллă кун ячĕпе саламлама тĕллев тытнă. СВОра кунсеренех çар ĕçне пурнăçлакан хаклă «тĕпренчĕкĕсемшĕн» пăшăрханакан амăшĕсен çунакан чĕрисене  кăштах та пулин лăплантарма, шанчăкпа тĕрев пама ăшă сăмах, уçă кăмăллă калаçу уйрăмах  кирлĕ-çке паян.

Владислав Валерьевич çĕршыв хÿтĕлевçисен амăшĕсем патне килĕсене çитсех чăн-чăн патриотсем çуратса ÿстернĕшĕн пуç тайса тав тунă, уяв парнипе хавхалантарнă.

Светлана Быкова