Кун тăршшĕ кĕскелни самаях сисĕнме пуçларĕ, яллă вырăнсенче çакă пушшех лайăх сисĕнет. Йĕпе-сапара, каç тĕттĕмлĕхĕнче  урамсенче çутă çителĕклĕ пулни паха. Унсăрăн тĕттĕм урамри çул çинчи транспорт хатĕрĕн рулĕ умĕнчи водитель те асăрхамасăр çуран çын çине кĕрсе кайма пултарĕ. Хăрушлăхсем сиксе тухаççех çав кун пек чухне. Ачасем те шкултан таврăннă чухне инкеке лекме пултараççĕ-çке.

Çакна шута илчĕç пирĕн Кĕлĕмкасси тăрăхĕнче, Олег Гаврилов электрик çутă хунарĕсемпе прожекторсене тимлĕн тĕрĕслесе тухрĕ те  çунса кайнисене çĕннисемпе улăштарчĕ.

Ева Петрова