Эйпеç тăрăхĕнче пурăнакан ĕç ветеранĕ Людмила Михайловна Михайлова 90 çулхи юбилейне кĕтсе илчĕ. Чыслă та сумлă уявпа хисеплĕ ватăна çывăх çыннисем тата пуçлăхсем ăшшăн саламланă.

Эйпеç территори пайĕн пуçлăхĕ Владислав Прохоров Людмила Михайловнăна тăван ял аталанăвне калама çук пысăк тÿпе хывнăшăн чунтан тав тунă. «Эпир сирĕн умра пуçăмăрсене таятпăр. Эсир пирĕн ял-йышшăн, уйрăмах çамрăксемшĕн, ĕçĕр-хĕлĕрпе те, çирĕплĕхĕрпе те ырă тĕслĕх кăтартакан хисеплĕ ентешсенчен пĕри. Тавах сире. Çирĕп сывлăх, хастарлăх тата тăнăç тÿпе сунатпăр», - тенĕ Владислав Валерьевич. Вăл юбиляра Йĕпреç муниципаллă округ пуçлăхĕн Игорь Семеновăн саламлă открыткине тата асăнмалăх парне парса чысланă.

Людмила Михайловна хăйне хисеплесе чыс тунăшăн, ертÿçĕсем ватăсене манманшăн, тимлĕх уйăрнăшăн хăнасене чĕререн тав тунă.

Анна Михайлова