тесе ят панă тĕлпулăва Пысăк Упакассинчи культура ĕçченĕсем ялта пурăнакан аслă çулсенчи, тивĕçлĕ канури педагогсене йыхравланă, Учитель кунĕ ячĕпе вĕсене валли ятарласа хатĕрленĕ программăпа кану каçĕ ирттернĕ.

Савăк лару-тăрура иртсе пынă мероприятие территори пайĕн начальникĕ Виталий Романов хутшăннă, вăл культура вучахне пуçтарăннисене уявпа саламланă, вăйпитти çулĕсене тăван ял шкулĕнче тÿрĕ кăмăлпа ĕçлесе ирттернĕшĕн, çитĕнекен ăрăва тивĕçлĕ пĕлÿпе воспитани парассине хăйсен тÿпине хывнăшăн, халĕ те çамрăксемшĕн ырă тĕслĕх пулнăшăн тав туса ăшă сăмахсем каланă.

Унтан хаклă хăнасене литературăпа музыкăна халалланă интеллектуаллă викторинăна явăçтарнă, ыйтусене хуравланă хыççăн шкул пурнăçĕпе, хăйсен ĕçĕ-хĕлĕпе çыхăннă, ĕмĕрлĕхех асра çырăнса юлнă самантсене аса илнĕ, шкул, вĕрентекен çинчен хывнă юрăсене пĕрле шăрантарнă.

Чечек ÿстерме юратакан Елена Никитина вара юратнă учительсене кĕркунне сад пахчине илем кÿрекен хитре çеçкесен çыххисене парнеленĕ. Культура ĕçченĕсем çепĕç юрă-кĕвĕсемпе савăнтарнă.