Кашни ял тăрăхĕнче çĕршыва хÿтĕлекенсене пулăшас ĕç хĕрÿ пырать% маскировка хатĕрĕсем çыхаççĕ, гуманитари пулăшăвĕ пуçтараççĕ. Туçара, эсир пĕлетĕр ĕнтĕ, салтаксем  валли хÿтĕлев пĕркенчĕкĕсем çыхас ĕçе йĕркелесе янă. +ыхма  çÿрекенсем ытларах тивĕçлĕ канурисем. Ялти культура çуртне кашни кун тухса çÿреме, паллах, пурин те вăй-хал çитмест-çке, сывлăхĕсем кашнин тĕрлĕрен. Анчах салтаксене пулăшас кăмăл канăç памасть чун-чĕрене.

Çак ялта пурăнакан Галина Павловна Маркова гуманитари тиевĕ пуçтарма тата пĕркенчĕксем валли материал илме 10 пин тенкĕ укçа панă. «Мĕнле те пулсан пулăшасчĕ», - тет Галина Павловна. Пенси укçи пысăках мар пулсан та, çак суммăна вăл çине тăрсах кашни уйăхра катса пырса пуçтарнă.

«Питĕ пысăк пулăшу ку пирĕншĕн. Чĕререн тав тăватпăр Галина Павловнăна», - туйăмсене пытармасăрах калать ялти хĕрарăмсен канашне ертсе пыракан Ираида Ильина.

Турă сывлăх патăр сире, Галина Павловна.  

Эльвира Анисимова