Кĕлĕмкасси территори пайĕн пуçлăхĕ Валерий Никонов тата Йĕпреç муниципалитет округĕнчи депутатсен Пухăвĕн депутачĕ Ева Петрова иртнĕ кунсенчен пĕринче ял-йыш хисепне тивĕçнĕ ĕç ветеранне. тыл ĕçченне Валентина Зайцевăна Тăван çĕршывăн аслă вăрçинче Çĕнтерÿ туптанăранпа 80 çул çитнине халалласа кăларнă астăвăм медалĕпе чысланă. Награда ун патне кăшт кая юлса çитнĕ пулсассăн та. вăл хăйĕн хакне нимĕн чухлĕ те çухатмасть.

Ара. Валентина аппа пĕр вăхăт хăйĕн хĕрĕ патĕнче пурăннă. халĕ вара. çуллахи тÿлек те хĕвеллĕ кунсем çитсен. тăван килне таврăннă.

Тинех «Тăван çĕршывăн 1941-1945 çулсенчи аслă вăрçинче çĕнтернĕренпе 80 çул» медаль хăйĕн хуçине кĕтсе илчĕ. Саламлатпăр! Тыл ĕçченĕ чăннипех тивĕçлĕ ку наградăна. 

Хамăр инф.