Хурамалта пурăнакан Надежда Евграфова çак тапхăрта сумлă юбилей кĕтсе илнĕ, 90 çул тултарнă.

Паллă кун ячĕпе ăна территори  пайĕн начальникĕ Валерий Евграфов саламланă, Йĕпреç муниципалитет округĕн пуçлăхĕн саламласа янă открыткине тата асăнмалăх парнине парса хавхалантарнă.

Надежда Петровна ĕмĕр тăршшĕпех колхозра вăй хунă, йывăр ĕçрен нихăçан та пăрăнман. Вăл 4 ачана воспитани парса ÿстернĕ, тĕрĕс-тĕкел пурнăç çулĕ çине кăларнă. Халĕ унăн 6 мăнук тата 2 кĕçĕн мăнук.

Валерий Витальевич ял-йышра хисеплĕ те ырă ятлă-сумлă ĕç ветеранне ăшă сăмахсем каласа тăван  ен  аталанăвне хывнă пысăк тÿпешĕн чĕререн тав тунă, чечек çыххи парнеленĕ.

Хамăр корр.