Чăваш автономи облаçне туса хунăранпа 105 çул çитнине паллă тума хатĕрленнĕ май, республикăра тĕрлĕ мероприятисем йĕркелесе ирттерме палăртаççĕ.

Тĕп  мероприятисенчен пĕри - «Земля вкуса» гастрономи фестивалĕ. Малтанласа палăртнă тăрăх, унта апат-çимĕç производителĕсем 40 ытла регионтан хутшăнмалла. Гастрономи фестивалĕ кăçал пуçласа пĕрремĕш хут иртет пулсан, «Руç ăстисем», «Раççей çăлкуçĕсем», «Раççей чунĕ.   Атăлçи» фестивальсем черетлĕ хут кăçал та иртĕç. Çырла фестивалĕ те пулĕ.

Аса илтеретпĕр: кăçал Республика кунĕ пĕр харăсах Шупашкарта тата Етĕрне округĕнче пулать. Уяв кунĕнче  Етĕрнере хăмла музейĕ  уçăлĕ.