Янăраймĕ Çĕнтерÿ салючĕ

Левитан сассийĕ пулмасан...

Вăл паян та витĕмлĕ валюта

Çутипе çиçĕмленет тасан.

Юхса тухнă кăкăртан çав сасă,

Мĕнпур хурлăх-асапа сирсе.

Ун вăйне сулмаклă хĕм парас пек,

Çĕнĕ ир çунать йăл-йăл! çиçсе.

Левитанăн çулăмлă, хăватлă

Басне чун-чĕресене хурса,

Эх, эпир утатпăр тараватлăн

Мал енчи пуласлăха курса.

Çывхарать вăл, умра çак пуласлăх,

Çывхартать ăна пиртен кашни.

Тĕллевсемĕр калама çук аслă

Пулнăран килет-пуль тăрăшни...

Янрасах тăр, Çĕнтерÿ салючĕ,

Левитанăн вирлĕ сассипе!

...Çак самант ĕмĕрлĕхех вăл юлтăр

Пĕрлешсе ман халăх ĕçĕпе.

Геннадий Кузнецов