Йăлана кĕнĕ тăрăх кашни çуркунне Раççейре «Астăвăм сачĕ» акци иртет. Унăн тĕллевĕ - Тăван çĕршывăн Аслă вăрçинче тăшманпа кĕрешсе паттăррăн пуç хунă 27 миллион салтак ячĕпе йывăç-тĕм лартасси.
Чăваш Енри кашни тăрăхрах хăйсен пурнăçне тăнăçлăхпа ирĕклĕхшĕн панă асаттесене сума суса, паттăрсен ячĕсене вилĕмсĕрлетсе Астăвăм сачĕсем лартма палăртнă.
Березовкăри шкулта вĕренекенсемпе вĕрентекенсем те çак акцие чун хушнипе хутшăннă. Вăрçăра пуç хунă ентешĕсене асра тытса, вĕсен паттăрлăхĕпе мăнаçланса вĕсем 80 хыр йывăççи лартнă.
Март 2026 |
