Юпа уйăхĕн 1-мĕшĕнчен Чăваш Республикинчи бюджет тытăмĕнче ĕçлекенсен шалăвĕ 7,8 процент ÿсет. Проекта республикăри Финанс министерстви хатĕрленĕ.
Документра палăртнă тăрăх, ĕç укçи патшалăх учрежденийĕсенче вăй хуракан çынсен ÿсет. Юпа уйăхĕн 1-мĕшĕнче окладсене тата ставкăсене 7,8 процент чухлĕ индексаци тăвĕç. Ку муниципалитет учрежденийĕсенче ĕçлекенсене те пырса тивет. Тĕпрен илсен, сăмах кунта вĕренÿ, сывлăх сыхлавĕн, культура, спорт, социаллă хÿтлĕх отраслĕсем тата ытти тытăм пирки пырать.
Аса илтерер, юлашки хутчен бюджетниксен ĕç укçи 2025 çулхи кăрлач уйăхĕн 1-мĕшĕнче ÿснĕ. Ун чухне окладсене 8,7 процент чухлĕ индексаци тунă.
Сентябрь 2026 |
